Eusko Jaurlaritzaren dirulaguntza deialdia kultura-arloetarako
Gaur, Gobernu Kontseiluak onartu du 2026ko dirulaguntza deialdia kultura-arloan jaialdiak antolatzeko, 600.000 euroko aurrekontuarekin.
Diru laguntza hau musika, antzerki, bertsolaritzan, dantzan, liburugintzan, ikus-entzunezkoetan, ikusizko arteetan eta sormenezko jardueretan antolatutako jaialdietara bideratuko da.
600.000 euroak honela banatuko dira:
- 255.000 euro zuzeneko arteen jaialdiak antolatzeko (arte eszenikoak, zuzeneko musika, bertsolaritza…).
- 180.000 euro ikus-entzunezko jaialdiak antolatzeko.
- 97.500 euro ikusizko arteetako eta literaturako jaialdiak antolatzeko.
- 67.500 euro diziplina anitzeko eta sormenezko kultura-jardueretako jaialdiak antolatzeko.
Diruz lagundu daitezkeen programak Euskal Autonomia Erkidegoan garatu beharko dira 2026ko urtarrilaren 1etik abenduaren 31ra bitartean, eta edukia kulturala izanik, programazio artistiko espezializatuak izan beharko ditu.
Halaber, jaialdiak aldiro antolatu behar dira, irauteko bokazioarekin eta gehienez 45.000 euroko laguntza jasoko dute.
Eskabideak aurkezteko epea hilabetekoa izango da, deialdia Euskal Herriko Agintaritzaren Aldizkarian argitaratu eta hurrengo egunetik aurrera.
2025eko deialdian 38 jaialdi lagundu ziren.
