Eusfit Mugiment ekimenaren diptiko berria
Eusfit Mugiment ekimenaren hedapena eta ulermena errazteko, diptiko berri bat prestatu da. Material hau, bereziki ikastetxeetako zuzendaritza taldeei eta irakasleei zuzenduta dago, ekimenaren helburua, funtzionamendua eta eskaintzen dituen aukera guztiak modu argi eta praktikoan ezagutaratzeko.
Diptiko honek ekimenari buruzko informazio oinarrizko eta labur bat biltzen du: zertan datzan, hezkuntza komunitatearentzat dituen onurak, parte hartu ahal izateko 10 urratsak eta datuak jasotzeko aplikazioak sortzen dituzten baliabideak. Helburua da eguneroko jardunean kontsultarako tresna erabilgarria izatea, baita ikastetxean bertan ekimena modu errazean azaldu eta sustatzeko baliagarria izatea.
Diptikoa zabalkunderako pentsatuta dago, irakasleek edo zuzendaritza taldeek erraz partekatu ahal izango dute lankideekin, ikasleen senideekin edo hezkuntza komunitateko beste kideekin. Era berean, parte hartze prozesuan eman beharreko urratsak modu bisual eta ordenatuan azaltzen ditu, ikastetxeek ekimenera atxikitzea errazteko.
Diptikoa erabiltzen hastera animatzen zaituztegu. Zuen iritziak eta hobekuntza proposamenak helaraztera gonbidatzen zaituztegu, hala, tresna etengabe eguneratu eta ikastetxeen benetako beharretara egokitu ahal izango dugu, ikasleen osasuna sustatzeko helburu partekatuan aurrera eginez.