Zegama Lagunkoia programak elkarlana sendotzen jarraitzen du
Zegama Lagunkoia ekimenak, herriko eragileen artean elkarlana sendotzeko helburuarekin, aurrera jarraitzen du. Azken bileran, elkarteen mapaketari berriro heldu diote, udalerriko boluntariotzaren egoera aztertu eta ikusarazteko asmoarekin.
Ekimen honen bidez, boluntariotzaren egungo egoera ezagutzea eta elkarteek eskaintzen dituzten zerbitzuak balioan jartzea bilatzen da. Horrez gain, elkarteen arteko harremanak sendotzea eta sinergiak sortzea da helburua.
Prozesua iazko udan hasi bazen ere, aurten elkarteen mapaketa aktibo mantentzeko galdetegi bat prestatu dute, elkarteekin elkarlanean aritzeko. Urte amaieran, informazio horrekin udalak argitalpen berezi bat egitea aurreikusten da, Zegamako elkarteen ekarpenak ikusarazteko.
Ekimen honek, gainera, Zegama Lagunkoia programaren ezagutzan lagunduko du eta etorkizuneko lankidetza-proiektuetarako oinarriak finkatzen lagunduko du.