Basque Segurtasun Foroaren azken bilera Kuartangon
Gaur arratsaldean, Basque Segurtasun Foroak bere azken bilera egin du Kuartango udalerrian. Bilera honetan Añanako eta Gorbeialdeko Arabako eskualdeetako 25 eragile inguruk parte hartu dute, gizarte-, ekonomia-, eta erakunde-esparruetako ordezkariak barne.
Foroan, taldea dinamizatzeko metodo parte-hartzaile baten bidez, inguruko segurtasun-erronka nagusiei aurre egiteko proposamenak eta esperientziak partekatu dituzte, prebentzio, larrialdien kudeaketa, zibersegurtasuna, bide-segurtasuna eta bizikidetza arloetan.
Topaketan parte hartu dute baita ere Bingen Zupiria Segurtasuneko sailburuak eta Iñaki Gurtubai Arabako Berdintasun, Euskara eta Gobernantzako foru diputatuak, bertako udalerrietako ordezkariak, administrazio-batzarretako kideak, Ertzaintzaren arduradunak eta beste elkarte batzuk.
Euskadin prozesu parte-hartzailea
Gaurko bilera Basque Segurtasun Foroaren hogeita hamabigarren bilera izan da. Aurretik, jada hainbat eskualdetan, hala nola Tolosaldean, Durangaldean, Arabako Lautadan, eta beste hainbat tokitan, bilera batzuk egin ziren. Kuartangon egindako topaketaren ondoren, azken bilera ekainaren 25ean Donostian izango da.
