Gasteizko Udaleko Gizarte Zerbitzuek 1.374 zaurgarritasun-ziurtagiri eman dituzte
Gasteizko Udaleko Gizarte Zerbitzuek 1.374 zaurgarritasun-ziurtagiri izapidetu dituzte guztira, 1.269 familiari dagozkienak, Espainiako Gobernuak migratzaileak erregularizatzeko bultzatutako ezohiko prozesuaren barruan. Prozesua aurtengo apirilaren 16tik ekainaren 30era bitarte egin da.
Administrazio-egoera irregularrean dauden migratzaileentzat edo Espainiako Estatura 2026ko urtarrilaren 1a baino lehen iritsitako nazioarteko babes-eskatzaileentzat irekitako prozesu horren barruan, Gizarte Politiken Sailak prozedura espezifikoa diseinatu zuen udaletako gizarte-zerbitzu guztientzat. Honen helburua, ahalik eta azkarren erantzun ahal izateko izapideetarako eskatzen ziren kalteberatasun-ziurtagiriak prestatzeko lanari ekitea.
Prozesuari erantzuteko bi jarduera-bide ere zehaztu ziren: 1. Udaleko Gizarte Zerbitzuen erabiltzaile ziren pertsonentzat, eta 2. Aldez aurretik arreta jaso ez zuten pertsonen kasuan, hitzordu-sistema antolatu zen, horien egoera baloratzeko eta arreta horretan bertan ziurtagiria emateko.
Eskaerak aurkezteko epea ireki zenean, 1.000 ziurtagiri-eskaera baino gehiago jaso zituen Sailak. Hala ere, eskaeren erritmoa pixkanaka behera egin zuen, eta azkenean, ia 2.400 eskaera egin ziren guztira.
Azkenik, Udaleko Gizarte Zerbitzuek 1.374 zaurgarritasun-ziurtagiri eman zituzten, eta lortu zituztenen artean % 68,5 gizonei dagokie. Gainera, 42 pertsonak bakarrik (% 3,2) dituzte 65 urte edo gehiago.
